నాట్యశాస్త్రానికి యునెస్కో నీరాజనం

భారతదేశం అంటే భౌగోళికంగా ఒక దేశం మాత్రమే కాదు. ఇది అనేక సంస్కృతుల, భాషల, సాంప్రదాయాల సమ్మేళనం.

- అప్పన్న గొనప

భారతదేశం అంటే భౌగోళికంగా ఒక దేశం మాత్రమే కాదు. ఇది అనేక సంస్కృతుల, భాషల, సాంప్రదాయాల సమ్మేళనం. మన దేశ చరిత్ర వెనుక చూసినపుడు, వేలాది సంవత్సరాల నాటివి అయిన జ్ఞాన సంపద, తత్త్వ సారాలు కనిపిస్తాయి. మనం చెప్పుకునే రామాయణం, మహాభారతం, ఉపనిషత్తులు, నాట్యశాస్త్రం, భగవద్గీత వంటి గ్రంథాలు కేవలం మతపరమైన రచనలు కావు. అవి జీవన పాఠాలు. భారతీయత అనే భావనను నిర్వచించే మూలస్తంభాలు. ఈ సాంస్కృతిక సర్వస్వానికి తాజాగా యునెస్కో ఇచ్చిన గుర్తింపు, మన దేశానికి మాత్రమే కాక, ప్రపంచ మానవ సమాజానికి ఒక గొప్ప సందేశాన్ని ఇస్తోంది. తాజాగా భగవద్గీతను, నాట్యశాస్త్రాన్ని ప్రపంచ వారసత్వంగా యునెస్కో గుర్తించడం ద్వారా భారతీయ విలువలకు, తత్త్వాలకు, కళలకు అంతర్జాతీయ గౌరవం దక్కింది.

భగవద్గీతను ఒక మతపుస్తకంగా చూడటం అన్యాయమే. అది ఒక తత్త్వశాస్త్ర గ్రంథం. జీవితంలో ఎదురయ్యే అనేక సమస్యలకు ఆత్మవిశ్వాసంతో, ధర్మబద్ధంగా ఎలా స్పందించాలో తెలిపే మార్గదర్శి .గీతలో అర్జునుడు తన కర్తవ్యం విషయంలో సందిగ్ధంలో పడినపుడు, శ్రీకృష్ణుడు ఇచ్చిన ఉపదేశం కేవలం ఆ యుద్ధానికి సంబంధించినది కాదు. అది యుగయుగాలుగా అన్ని తరాల మానవులకు వర్తించగల సందేశం. కర్మణ్యే వాధికారస్తే మా ఫలేషు కదాచన అనే వాక్యం ఎప్పటికీ మారని తత్త్వాన్ని తెలియజేస్తుంది. మనం ఫలితాల కోరిక లేకుండా, నైతికతను అనుసరించి కర్మ చేయాలని చెప్పిన ఈ సిద్ధాంతం ప్రపంచవ్యాప్తంగా మనుషుల జీవితాలను మార్చగల సామర్థం కలిగి ఉంది. ఇప్పుడు ప్రపంచంలోని అనేక విశ్వవిద్యాలయాల్లో గీతాపఠనం ఒక తత్వశాస్త్ర అధ్యయనంగా మారింది. అది మతపరంగా కాకుండా, తాత్వికంగా, జీవన విలువల పరంగా అర్థం చేసుకుంటున్నారు. ఈ దృష్టితో యునెస్కో దీనిని ప్రపంచ వారసత్వ జాబితాలో చేర్చింది. ఇది భారతీయతకు వచ్చిన గౌరవమే కాక, ప్రపంచానికి మన జ్ఞాన సంపదను అర్థం చేసుకునే అవకాశం కూడా. గీతలోని ఉపదేశాలు విశ్వ మానవ విలువలకు దగ్గరగా ఉండటం వలన దీన్ని ఒక మానవతా గ్రంథంగా భావిస్తున్నారు.

నాట్యశాస్త్రం - కళాసౌందర్యానికి శాస్త్రీయ మూలం....