ఆరోగ్య సిరిక 'నవ రత్నాలు'

కండ అంటే ఊబకాయం కాదు సామర్థ్యం. ఆహార భద్రతతో పాటు ఆరోగ్య భద్రత కూడా శారీరక సామర్థ్యం కలిగిన దేశమే ప్రగతి పథంలో ముందుకు పోతుందని ఆయన అభిప్రాయం.

- రుద్రరాజు శ్రీనివాసరాజు

“తిండి కలిగితే కండ కలుగోయ్ కండ కలిగినవాడే మనిషోయ్" అన్నారు గురజాడ.ఇక్కడ తిండి అనే దానిలో ఆయన ఉద్దేశం పోషకాహార తిండి తప్ప ఆహార పరిమాణం కాదు. అలాగే కండ అంటే ఊబకాయం కాదు సామర్థ్యం. ఆహార భద్రతతో పాటు ఆరోగ్య భద్రత కూడా శారీరక సామర్థ్యం కలిగిన దేశమే ప్రగతి పథంలో ముందుకు పోతుందని ఆయన అభిప్రాయం. ఆరోగ్యమే మహాభాగ్యం అనేది జగద్విదితమే.

పాత తరంలోకి వెళితే ఏడు పదులు వయసు దాటిన మన తల్లిదండ్రులు బంధువులు శత సంవత్సరాలు వరకూ ఎటువంటి అనారోగ్యం లేకుండా జీవిస్తూ వచ్చిన మన తాత ముత్తాతల ఆరోగ్య రహస్యం రాగిముద్ద, జొన్నరొట్టె, కొర్రసంగటి.. రాగి సంకటి, నువ్వుల లు.. వంటి చిరు ధాన్యాలను ఆహారంగా తీసుకోవడమే.వారిలో ఊబకాయం, మధుమేహం, హై బీపీ లాంటివి మచ్చుకైనా కనిపించలేదు. కళ్లజోడు అవసరం లేకుండా పుస్తకం చదివేవారు. ఎంత దూరమైనా అలసట లేకుండా నడిచేవారు.వారికి విటమిన్లు, ఖనిజాలు, కార్బోహైడ్రేట్ల గురించి వారికి ఏమాత్రం అవగాహన లేదు. హాస్పిటల్కు వెళ్లిన దాఖలాలే చాలా అరుదు. ఆ కాలంలో సూపర్ స్పెషలిస్ట్ వైద్యులు అవసరం లేకపోయింది. సప్త పదులు దాటినా వారు చాలా ఉండేవారు. ఇప్పటి తరంలో 30 సంవత్సరాలకే వృద్ధాప్య ఛాయలు ముంచుకొస్తున్నాయి.శారీరక వ్యాయామం చేయలేని పరిస్థితి. ఇప్పుడు మనం 50 అడుగులు దూరంలో ఉన్న కిరాణా షాపుకు వెళ్లి సరుకులు తేవాలంటే వాహనం కావాలి. కనీసం సైకిల్ కూడా తొక్కలేని పరిస్థితి. స్కూల్కు నడిచి వెళ్లే పిల్లలే కనిపించడం లేదు.సమీప దూరంలో స్కూల్ ఉన్నప్పటి నడిచి వెళ్లలేక రోడ్డుపై లిఫ్ట్ అడిగే పిల్లలు కోకొల్లలు.