యువతలో విపరీత ధోరణి

నేటి భారత యువతలో కాలానుగుణంగా వస్తున్న శాస్త్ర సాంకేతిక మార్పులతో పాటు యువతలో విపరీత పోకడలు -పుట్టుకొస్తున్నాయి

- డా॥ బుర్రా మధుసూదన్ రెడ్డి

నేటి భారత యువతలో కాలానుగుణంగా వస్తున్న శాస్త్ర సాంకేతిక మార్పులతో పాటు యువతలో విపరీత పోకడలు -పుట్టుకొస్తున్నాయి, భారత్ లాంటి దేశాల్లో కూడా వేగంగా -విస్తరిస్తున్నాయి. కుటుంబం, పిల్లల పెంపక భారం వద్దంటూ పెళ్లంటేనే నేటి యువతలో విముఖత పెరుగుతున్నది.

పెళ్లి చేసుకోకుండానే పిల్లల్ని కనాలనుకోవడం, విడాకులు తీసుకోవడం, దంపతుల్లో ఒకరు మరణించడం కారణంగా మారిన 'సింగిల్ పేరెంట్ కల్చర్ కూడా పెరుగుతూ, తాము సింగిల్ పేరెంట్ అని సగర్వంగా చెప్పుకునే రోజులు వచ్చాయి. శీలానికి లేదా కన్యత్వానికి విలువ లేకుండా పోతున్నది. శారీరక సుఖాలు ప్రధానం అంటూ బరితెగించిన యువత పోకడలు కూడా పెరుగుతున్నాయి.

వీటికి తోడుగా 'సహజీవన సంసారాలు', 'డేటింగ్ సంబంధాలు', 'సెచ్యువేషన్షిప్ స్నేహాలు' క్రమంగా పెరుగుతున్నట్లు, యువతలో దాని పట్ల సానుకూల భావాలు చిగురిస్తున్నట్లు తెలుస్తున్నది.

ఇలాంటి డిజిటల్ కాలపు వింత బంధాలను ప్రముఖులు సైతం పాటించడంతో సాధారణ యువతలో కూడా వీటి పట్ల ఆకర్షణ పెరుగుతోంది.

సహజీవన సంబంధాలు (లిక్ఇన్ లేదా కోహాబిటేషన్ రిలేషన్ షిప్):

విరాట్ కోహ్లి, అనుష్క శర్మ, అమీర్ ఖానికిరణ్ రావ్, సైఫ్ అలీ ఖాన్ కరీనా కపూర్, జాన్ అబ్రహమపాసా బసు, బోను కపూర్, శ్రీదేవి లాంటి పలువురు బాలీవుడ్ జంటలు సహజీవనం చేసిన తర్వాతనే వివాహం చేసుకున్నారని తెలిసిందే! దిన దినం సహజీవన సంబంధాలు పెరగడం, నేటి పౌర సమాజం కూడా నెమ్మదిగానైనా వాటిని అంగీకరించడం జరుగుతున్నది. సహజీవన విధానం భారత్లో చట్ట వ్యతిరేకం కానప్పటికీ, సామాజికంగా పూర్తి అంగీకారం లేకపోవడం, సహజీవన పద్ధతిని దురాచారంగా కూడా పరిగణించడం జరుగుతుంది. నేటి డిజిటల్ యువత పెళ్లికి ముందే ఒకరినొకరు పూర్తిగా అర్థం చేసుకున్న తర్వాత ఇరువురి అభిరుచులు కలసిన తర్వాత పెళ్లి పీటల మీదికి చేరడం జరుగుతోంది. ఒకవేళ ఇద్దరి ఆలోచనలు, జీవనశైలి లో విభేదాలు పొడచూపినపుడు వారు ఏ క్షణంలోనైనా విడిపోయి తమ తమ వ్యక్తిగత జీవితాలను కొనసాగించే వెసులుబాటును తీసుకొంటున్నారు.