ఆత్మరక్షణ ధీరత్వం

అది వారణాసిలో బ్రహ్మదత్తుడు రాజ్యం చేస్తున్న సమయం.ఆ సమయంలో బోధిసత్వుడు నగరం దగ్గర ఉన్న శ్మశానంలో వేపచెట్టు దేవతగా జన్మించాడు.

- 

అది వారణాసిలో బ్రహ్మదత్తుడు రాజ్యం చేస్తున్న సమయం.ఆ సమయంలో బోధిసత్వుడు నగరం దగ్గర ఉన్న శ్మశానంలో వేపచెట్టు దేవతగా జన్మించాడు.

ఒక రోజున ఓ దొంగ నగరానికి ద్వారంలా ఉండే గ్రామంలో దొంగతనం చేశాడు.తాను దొంగిలించిన వస్తువులన్నీ వేపచెట్టు కింద పెట్టి అక్కడ నిద్ర పోయాడు.

వేపచెట్టు పక్కనే రావిచెట్టు ఉంది.

ఆ కాలంలో దొంగలకు ఒక ప్రత్యేమైన శిక్ష వేసేవారు.

దొంగ పట్టుబడగానే వేపచెట్టు నరికి, శూలంగా చేసి దొంగ వీపుపై ఎక్కిస్తారు.

ఆ బరువును మోస్తూ దొంగ వీధుల గుండా తిరగాలి.

వేపచెట్టుకు ఈ విషయం తెలుసు.

ఇప్పుడు ఆ దొంగ పట్టుబడితే ముందుగా తన కొమ్మను విరగ్గొడతారు.అందుకని ఆ దొంగను తన దగ్గర నుంచి తరిమేసేందుకు వేపచెట్టు నిశ్చయించింది.

ఆ దొంగతో "ఒరే దొంగవెధవా, చేసే దొంగతనం ఎలాగో చేశావు. దొంగతనం చేసినవాడివి దోచుకున్న సొమ్ము తీసుకుని ఎక్కడికయినా పారిపో. ఇక్కడే పడుకుని ఉంటే భటులు నిన్ను పట్టుకుంటారు. ఘోరంగా శిక్షిస్తారు.కాబట్టి పారిపో. భటులకు చిక్కి అనవసరంగా కష్టపడటం ఎందుకు?”అని అంది.

వేపచెట్టు మాటలు విన్న దొంగకు నిద్ర పట్టలేదు. తాను దొంగిలించిన వస్తువులను తీసుకుని అక్కడి నుంచి పారిపోయాడు.

ఇదంతా పక్కనే ఉన్న రావిచెట్టు చూస్తూనే ఉంది. దొంగ పారిపోగానే వేపచెట్టును అడిగింది.

“వాడు దొంగ. వాడెవడో నీకు తెలియదు. వాడు దొంగతనం చేశాడు.వాడిని భటులు పట్టుకుపోతే నీకేమయింది? నువ్వెందుకు వాడిని తరిమేశావు? ఈ విషయాల్లో నువ్వెందుకు జోక్యం చేసుకున్నావు? నీవు జోక్యం చేసుకోవాల్సిన అవసరం ఏముంది?”

దానికి వేపచెట్టు సమాధానం ఇచ్చింది.

"నాకూ దొంగకూ ఉన్న సంబంధం నీకు తెలియదు. ఆ దొంగ దొరికితే, ముందు నా కొమ్మ విరిచి వాడి వీపున కట్టి మోయిస్తారు. తరువాత నా కొమ్మకు వాడిని వేలాడగట్టి ఉరి తీస్తారు. అందుకని వాడిని పారిపొమ్మన్నాను. తప్పు చేసింది వాడు శిక్ష, నష్టం నాకు".

చెట్లు ఇలా మాట్లాడుకుంటున్న సమయంలో దొంగ కాలిగుర్తులను బట్టి వెతుకుతూ రాజభటులు చెట్టుదగ్గరకు వచ్చేశారు.

అక్కడి నుండి దొంగ పారిపోయిన చిహ్నాలు కనిపించాయి.