మానవత్వంలోని ఏకత్వం

ఈ లోకంలో మంచిగా జీవించాలనుకునేవారికి జీవించాలనుకునేవారి! జీవించాలనుకుంటే వారు తమ ఇంద్రియాలను నిగ్రహించుకోవడం ఎంతో అవసరం.

- డా॥ పులివర్తి కృష్ణమూర్తి

అలాగాక పశువుగా జీవించాలనుకుంటే ఇంద్రియ నిగ్రహం అంతగా అవసరముండదు. పశువులూ, మృగాలూ, పక్షులూ జన్మతః వచ్చిన క్రూరత్వాన్ని ఏమాత్రమూ మార్చుకోలేకపోతున్నాయి. పుట్టుకతో వచ్చిన దుర్గుణాలు పుడకలతో కాల్చేవరకూ మార్చడానికి వీలుకాదు.సింహం క్రూర భావంతో జన్మిస్తుంది. క్రూర భావంతోనే మరణిస్తూ ఉంటుంది. పిల్లికి ఎలుకలను పట్టే స్వభావం జన్మతోనే వస్తుంది. జన్మం అంతవరకూ ఆ లక్షణం అలాగే ఉంటుంది. క్రూర స్వభావంతో జన్మించిన మృగాలను ఎలాంటి ప్రయత్నంతోనైనా సాత్విక మార్గంలోకి తేవడం ఎంతో కష్టం. కానీ మానవుని విషయంలో అలా కాదు.

క్రూర స్వభావంతో జన్మించిన మానవుడైనా సత్పురుషుల దర్శన, స్పర్శన సంభాషణం చేతనూ, ప్రచార బోధనల చేతను అతగాడు సాత్విక మార్గానికి రావడానికి ఎంతైనా అవకాశం వుంది. 'జంతూనాం నరజన్మ దుర్లభం' అన్నారు.మనకు జన్మతో ప్రాప్తించిన దుర్గుణాలు, కేవలం పవిత్రులైన పెద్దల సాంగత్యంతోనూ, పవిత్రమైన సంఘం చేతనూ తొలిగే అవకాశం వుంది.