మన బంధం కృత్రిమమేనా?

“మానవ సేవే మాధవసేవ" అంటూ “దేవుని కన్నా మనుషులకు సేవ చేయడం ఉత్తమం” అన్న సందేశాన్ని ప్రపంచానికి పంచిన దేశం భారతదేశం.

- పులివర్తి కృష్ణమూర్తి 

అంతేకాదు...తల్లిదండ్రులను ఎలా చూసుకోవాలో, అన్నదమ్ములను ఎలా ఆదుకోవాలో నేర్పిన పవిత్ర భూమి మన వేద భూమి.

సాంప్రదాయబద్దమైన కుటుంబ వ్యవస్థను నిర్మించి గొప్ప సంస్కృతి మనది. ఆత్మీయత, అనురాగం, ప్రేమ, ఉమ్మడి కుటుంబాలకు నాందిగా చెప్పుకోవాలి.

ఒకే ఇంట్లో ఉంటూ, తరతరాలుగా వున్న ఆ గృహంలో పలురకాల అనుభవాలను నెమరు వేసుకుంటూ గొప్ప అనుభూతిని పొందే అదృష్టం భారతీయులకు లభించిన అదృష్టం.

ఒకే కుటుంబంలో చిన్నా పెద్దా అనే తేడా ఉంటుంది. అది గౌరవంతో లభించిందేగానీ పెత్తనంతో లభించింది.కాదు. కుటుంబంలోని వారందరికీ వారి వారి బాధ్యతలున్నాయి. అయినా ఒకరి గురించి మరొకరు పట్టించుకుని తీరాల్సిందే. తప్పదు మరి.. దీనికి నియమ నిబంధనలు అంటూ ఏమీ వుండవు. అయినా ధర్మంగా వుండాలన్న పరిస్థితిని ఏర్పాటు చేశారు.