పెంపుడు జంతువుల మేలు

నరసింహపురంలోని రామయ్యకు పెంపుడు  పక్షులు, జంతువులంటే చాలా ఇష్టం.

- 

నరసింహపురంలోని రామయ్యకు పెంపుడు  పక్షులు, జంతువులంటే చాలా ఇష్టం. అతడు ఒక కోడిని, కుక్కను, బర్రెను, గాడిదను, పిల్లిని పెంచుకుంటున్నాడు. అప్పుడు అతడి మిత్రుడు గోవిందుడు కలసి రామయ్యతో 'ఓ రామయ్యా!అనవసరంగా ఇన్ని జంతువులను పక్షిని పెంచుతావా! నీకే తిండికి లేదు. వాటికేం పెడతావు' అని అన్నాడు. అప్పుడు రామయ్య 'ఏదో! నా శక్తి కొలది వాటికి ఆహారం పెడతాను. వాటివల్ల మేలే కానీ కీడు ఎన్నడు జరగదు' అని అన్నాడు.ఇలా ఉండగా ఆ ప్రాంతంలో గ్రామగ్రామంలో దొంగతనాలు విపరీతంగా జరగసాగాయి.నరసింహపురానికి కూడా దొంగలు వచ్చి దోచుకునిపోతారని గ్రామ పెద్ద ప్రజలను జాగ్రత్తగా ఉండమని హెచ్చరించాడు. కానీ ఆ దొంగలు నరసింహపురానికి రాలేదు. పొరుగు గ్రామాలలో మాత్రం దొంగతనాలు ఆగలేదు.రక్షకభటులు, ఆయా గ్రామస్తులు ఎంత ప్రయత్నించినా ఆ దొంగలను మాత్రం  పట్టుకోలేకపోయారు.