తెలంగాణలో పెరుగుతున్న గన్ కల్చర్

బొమ్మ తుపాకులు కొన్నట్లుగా ఉత్తరాది రాష్ట్రాల నుంచి గన్లు కొంటున్న నేరగాళ్లు

- 

హైదరాబాద్, జనవరి 15, ప్రభాతవార్త: తెలంగాణలో అక్రమ ఆయుధాల వాడకం, కొనుగోలు పెరిగిపోతోంది. రాచకొండ పరిధిలోని జవహర్ నగర్లో యుపికి చెం దిన ఓ యువకుడిని పోలీసులు అరెస్టు చేసి అతని వద్ద నుంచి రెండు తుపాకులు, మూడు తపంచాలు, పది బుల్లెట్లను జప్తు చేయడం సంచలనం రేపింది. ఇతను తొలిసారిగా తెలంగాణ పోలీసులకు పట్టుబడి నట్లు తెలుస్తున్నా ఇతనిపై వేరే రాష్ట్రాలలో అక్రమ ఆయుధాలు కేసులు వుండివుండవచ్చని వార్తలు వస్తున్నాయి. ఇదేసమయం లో ఇతను ఇప్పటికే కొందరికి అక్రమ ఆయుధాలు విక్రయించినట్లు వార్తలు వినవస్తుండడంతో దీనిపై పోలీసులు ఆరా తీయసాగారు. ఈ యువకుడి విషయం అలా వుంచితే ఇంతకు ముందు కూడా హైదరాబాద్, సైబరాబాద్, రాచకొండ పరిధుల్లో పలువురు అక్రమ ఆయుధాలతో పట్టుబడిన ఉదం తాలున్నాయి. మరోవైపు అక్రమ ఆ యుధాలు కలిగిన వ్యక్తులు తమ ప్రత్యర్థులపై దాడులకు వీటిని వాడుతుండగా నేరగాళ్లు దోపిడి, లూటీలకు ఉపయోగిస్తున్నారు.