தங்கத்தைப் பறிக்க முயற்சி; மோசடித் திட்டம் முறியடிப்பு

கடந்த ஜூன் மாதம் 19ஆம் தேதி மாலை வங்கிக் கணக்கிலிருந்த மொத்தப் பணத்தையும் எடுத்தார் 65 வயது நபர். அதை இரு அடகுக் கடைகளுக்கு எடுத்துச் சென்று $52,700 மதிப்புள்ள தங்க வில்லைகளை வாங்கினார்.

- 

பின்னர், மோசடிப் பேர்வழிகள் கூறியதுபோல பாசிர் ரிஸ் எம்ஆர்டி நிலையத்துக்குச் சென்று, முன் பின் தெரியாத பெண்ணிடம் அதனை ஒப்படைத்தார்.

உடனடியாக அவரிடமிருந்து அதனைப் பெற்றுக் கொண்ட அப்பெண், எதுவும் பேசாமல் வேகமாகச் சென்றுவிட்டார் என்றார் திரு செங்.

வீடு திரும்பியதும் நடந்ததை மனைவியிடம் விளக்கிக் கூறிய அவரிடம், “இது மோசடி," என்று மனைவி கூறவே திகைத்துப்போனார்.

தொழில்நுட்ப வல்லுநராகப் பணியாற்றி, இரு வாரங்களுக்குப் பின்னர் ஜூலை மாதம் ஓய்வு பெற்ற அவர், சிங்கப்பூர் நாணய ஆணையத்தின் விசார ணைக்கு அதிகாரிகளுக்கு உதவுவதாக நினைத்தார்.

இந்த மோசடி ஜூன் 19ஆம் தேதி பிற்பகல் தொடங் கியது. பணியாற்றிக்கொண்டிருந்த அவருக்கு ஒரு தொலைபேசி அழைப்பு வந்தது. ஆங்கிலத்தில் பேசிய அந்நபர் நிதிச் சேவை நிறுவனமான 'யூனியன் பே' நிறுவனத்திலிருந்து அழைப்பதாகவும் சொன்னார்.

தொடர்ந்து, திரு செங், அண்மையில் புதிய காப்பு றுதித் திட்டத்தில் இணைந்துள்ளதாகச் சொன்னார். தாம் குழப்பமடைந்ததாகவும், “புதிய காப்புறுதியில் சேரவில்லை. தவறான தகவலாக இருக்கலாம்," என்று தெரிவித்ததாகவும் கூறினார்.

அந்த 'யூனியன் பே அதிகாரி' அத்திட்டம் ரத்து செய்யப்படுகிறது என்றும் ஆனால் அவரது தகவல் கள் தவறாகப் பயன்படுத்தப்பட்டிருக்கலாம் என்றும் கூறியுள்ளார். கவலையடைந்த திரு செங்கிடம், நாணய ஆணையத்தைத் தொடர்புகொள்ள தாம் உதவுவதாக அந்த அதிகாரி கூறியுள்ளார்.

அதன்பின்தான் திருப்பங்கள் நிகழத் தொடங்கின. மூன்று மணி நேரம் நீடித்த அந்த அழைப்பில், இரு 'நாணய ஆணைய அதிகாரிகள்' திரு செங்கின் தகவல்கள் காப்புறுதித் திட்டம் பெற பயன்படுத்தப் பட்டுள்ளதாகக் கூறினார். இந்தச் சந்தேகத்துக்குரிய பரிமாற்றங்களுக்குப் பணமோசடி நடவடிக்கையுடன் தொடர்பு இருக்கலாம் என்றும் கூறினர்.

“அந்த அதிகாரி சூழ்நிலையை அமைதியாக விளக்கினார்,” என்று நினைவுகூர்ந்தார் திரு செங்.