மதுரை லேடி டோக் பெருமாட்டி கல்லூரியில் 'நான் முதல்வன்' திட்டத்தின் கீழ் நடைபெற்ற 'கல்லூரிக் கனவு 2025'!

தமிழ்நாடு துணை முதலமைச்சர் உதயநிதி ஸ்டாலின் தமிழ்நாடுதிறன் மேம்பாட்டுக் கழகத்தின் சார்பாக 'நான் முதல்வன்' திட்டத்தின் கீழ், "கல்லூரிக்கனவு - 2025" திட்டத்தை தொடங்கி வைத்தார்கள்.

- 

தொடர்ந்து, மதுரை லேடி டோக் பெருமாட்டி கல்லூரியில் 'நான் முதல்வன்' திட்டத்தின் கீழ் நடைபெற்ற 'கல்லூரிக் கனவு 2025' மாணாக்கர்களுக்கான விழிப்புணர்வு நிகழ்ச்சியினை மாவட்ட ஆட்சித்தலைவர் மா.சௌ.சங்கீதா, குத்துவிளக்கேற்றி தொடங்கி வைத்து, கல்லூரிக் கனவு குறித்த வழிகாட்டுதல் கையேடுகளை மாணவ, மாணவியர்களுக்கு வழங்கினார். தொடர்ந்து, மாவட்ட ஆட்சித்தலைவர் மா.சௌ.சங்கீதா, தெரிவித்ததாவது:

தமிழ்நாடு முதலமைச்சரால் தொடங்கப்பட்ட ”நான் முதல்வன்” திட்டத்தின் கீழ் ”கல்லூரி கனவு திட்டம்” ஆண்டுதோறும் சிறப்பாக நடத்தப்பட்டு வருகிறது. அதனடிப்படையில், இந்த ஆண்டிற்கான "கல்லூரி கனவுத் திட்டம் 2025" சிறப்பாக நடத்திட திட்டமிடப்பட்டுள்ளது. கல்லூரிகனவுத்திட்டமானது, 12ஆம் வகுப்பை முடித்த மாணவர்களுக்கு தங்கள் கனவுகளை நனவாக்க உதவும் வகையில் உயர்கல்வி வழிகாட்டுதலுக்கான திட்டமாகும். மேலும், கல்லூரிக் கனவு திட்டத்தின் மூலம் பெற்றோர்கள் தங்கள் மாணவர்களுக்கு மிகவும் பொருத்தமான பாடத்திட்டத்தைத் தேர்வுசெய்ய உதவுகிறது. பட்டப்படிப்புக்குப் பிறகு வேலைவாய்ப்புகள் உள்ள பாடவாரியான படிப்புகள், டிப்ளமோக்கள் மற்றும் கல்லூரிகளைத் தேர்ந்தெடுப்பதில் மாணவர்களுக்கு வழிகாட்டுவதலே இத்திட்டத்தின் நோக்கமாகும்.