కాంగ్రెస్ పార్టీ సామాజిక న్యాయం పాటిస్తుంది

• ఈశ్వర చారి కుటుంబాన్ని ఆదుకుంటాం • బిసి యువకులు ఎవ్వరు తొందరపడవద్దు మనం బిసి రిజర్వేషన్లు సాదించుకుంటాం • టీపీసీసీ చీఫ్ మహేష్ కుమార్ గౌడ్

- 

కాంగ్రెస్ పార్టీ సామాజిక న్యాయం ప్రధాన భూమికగా పని చేస్తుందని టీపీసీసీ చీఫ్ మహేష్ కుమార్ గౌడ్ అన్నారు. శనివారం ఆయన మీడియాతో మాట్లాడారు. 42 శాతం బీసీ రిజర్వేషన్లు కోసం అవ్వి అమలు అయ్యేంత వరకు పోరాటం చేస్తాం.. ప్రయత్నాలు చేస్తూనే ఉంటాం. బిసి యువకులు ఎవ్వరు తొందరపడవద్దు.. మనం బిసి రిజర్వేషన్లు సాదించుకుంటామని ధీమా వ్యక్తం చేశారు. కేంద్రంలో కాంగ్రెస్ పార్టీ అధికారంలోకి రావడం ఖాయం.. రాహుల్ గాంధీ ప్రధాన మంత్రి అవడం ఖాయం, కాంగ్రెస్ ప్రభుత్వ హయాంలో ఎస్సీ, ఎస్టీ ల మాదిరిగా బిసి రిజర్వేషన్లు రాజ్యాంగ బద్దంగా సాదించుకుంటాం.