Gwasanaeth gyrfaoedd Abertawe yn symud i nolfan newydd Y Storfa

Mae canolfan gyrfa Gyrfa Cymru yn Abertawe wedi symud o Grove House i ganolfan newydd Y Storfa o 1 Rhagfyr 2025.

- 

Roxanne Jones

Drwy ei wasanaeth Cymru’n Gweithio, bydd Gyrfa Cymru yn parhau i ddarparu cymorth, cyngor a chyfarwyddyd gyrfa diduedd am ddim i bobl 16 oed ac yn hŷn, o’i ganolfan gyrfa newydd yn Y Storfa.

Bydd tîm o gynghorwyr gyrfa ac anogwyr cyflogadwyedd arbenigol yn gweithio yn y ganolfan i roi cymorth personol yn y ffordd sy'n gweithio orau i bob unigolyn.

Gall hyn gynnwys cymorth i ddod o hyd i gyfleoedd swyddi, ymchwilio i hyfforddiant a phrentisiaethau, cymorth i lunio CV a gwneud cais am swydd, cymorth newid gyrfa a chymorth diswyddo.

Mae Roxanne Jones, 23 oed, sy'n fyfyriwr graddedig mewn economeg busnes, yn byw yn Abertawe ac mae eisoes wedi elwa ar y gwasanaeth hwn.

Ar ôl dychwelyd i Abertawe i chwilio am swydd ar ôl cwblhau ei gradd yn Llundain, canfu ei bod yn cyrraedd camau cyfweliad terfynol yn gyson ond yn cael trafferth sicrhau swydd.