સંભલમાં કાર અને પિકઅપની ટક્કરથી એક જ પરિવારના છ લોકોનાં મોત

ગામવાસીઓએ કારના કાચ તોડીને લોકોને બહાર કાઢ્યા

- 

ઉત્તરપ્રદેશના સંભલ જિલ્લામાં ગંગા એક્સપ્રેસ વે પર એક ભીષણ અકસ્માત થયો છે. હયાતનગર પોલીસ સ્ટેશન વિસ્તારમાં આવેલા રસુલપુર ધાત્રા ગામ નજીક ગંગા એક્સપ્રેસ વે પર શાકભાજી ભરેલી પિકઅપ ટ્રક અને અલ્ટો કાર સામસામે અથડાઈ ગઈ હતી. ટક્કર એટલી જોરદાર હતી કે બંને વાહનોના ફૂરચેફુરચા ઊડી ગયા અને ગાડીમાં સવાર લોકો તો અંદર જ ફસાઈ ગયા. હયાતનગર પોલીસ સ્ટેશન વિસ્તારના રસુલપુર ધાત્રા ગામ પાસે થયેલા અકસ્માતનો અવાજ સાંભળીને નજીકના ગ્રામજનો ઘટનાસ્થળે દોડી આવ્યા હતા. થોડીવારની મહેનત બાદ ગ્રામજનોએ વાહનોમાં ફસાયેલા મૃતદેહોને બહાર કાઢ્યા હતા.