વિધાર્થીઓ માટેના ભાર વિનાના ભણતરે શાળાઓનાં ટાઈમ ટેબલ ખોરવી નાખ્યાં

ચાર શનિવારના ર૦ જેટલા ક્લાસ ખોરવાતાં સ્કૂલ સંચાલકોમાં મૂંઝવણઃ બેગલેસ ડે'નો ભાર હવે શાળાઓના આચાર્ય પર આવ્યો

- 

શિક્ષણ વિભાગે પ્રાથમિક શાળાના વિદ્યાર્થીઓ માટે ભાર વિનાના ભણતરના હેતુ સાથે દર શનિવારે ‘બેગલેસ ડે' જાહેર કર્યો છે. હવે આ આદેશના અમલીકરણ બાદ એક મહિના પછી પણ શનિવારે સ્કૂલોએ જે વિષયના પિરિયડ લેવાના હતા તેનું શું કરવું? તેની કોઈ સૂચના કે માર્ગદર્શન જાહેર કર્યાં નથી, જેના કારણે મોટા ભાગની સ્કૂલોના સંચાલકો મુંઝાયા છે, કારણ કે એક મહિનામાં વિવિધ વિષયના ચાર શનિવારના ૨૦ જેટલા પિરિયડ લેવાના બાકી રહી ગયા છે. આમ, ‘બેગલેસ ડે’નો ભાર હવે શાળાઓના આચાર્યને અનુભવાઈ રહ્યો છે, બીજી તરફ આ અભ્યાસક્રમ સમયસર પૂરો થાય તે માટે સ્કૂલોને પણ નવી વ્યૂહરચના અપનાવવાની ફરજ પડી છે.