ભગવાનના મોસાળ સરસપુરમાં આનંદ અને ઉલ્લાસના માહોલ વચ્ચે રસોડાં ધમધમી ઊઠ્યાં

આવતી કાલે ઐતિહાસિક રથયાત્રાના દિવસે આશરે બે લાખથી પણ વધુ ભક્તોને ભાવથી જમાડવામાં આવશેઃ તડામાર તૈયારીઓ શરૂ

- 

અમદાવાદમાં ભગવાન જગન્નાથજીની ઐતિહાસિક રથયાત્રા આવતી કાલે ૨૭ જૂનના રોજ યોજાવા જઈ રહી છે ત્યારે શહેરભરમાં ભક્તિ અને આનંદ-ઉલ્લાસનો માહોલ છે તો બીજી તરફ ભગવાન જગન્નાથજીના મોસાળ સરસપુરમાં પણ હાલ ભારે ઉત્સવનો માહોલ છે. રથયાત્રાના દિવસે આશરે બે લાખથી વધુ લોકો માટે પ્રસાદ બનાવવા માટે સરસપુરમાં નાનાં-મોટાં રસોડાં ધમધમી ઊઠ્યાં છે.