ભારતના મોસ્ટ વોન્ટેડ મેહુલ ચોકસીએ સારવાર માટે એન્ટિગુઆ છોડી બેલ્જિયમમાં ધામા નાખ્યા

ભારતે પ્રત્યર્પણની પ્રક્રિયા શરૂ કરવા બેલ્જિયમના અધિકારીઓનો સંપર્ક કર્યો

- 

પંજાબ નેશનલ બેન્ક લોન ફ્રોડ કેસમાં ભાગેડુ હીરાના વેપારી મેહુલ ચોકસી હાલ બેલ્જિયમમાં છે. યુરોપના દેશે આ વાતની પુષ્ટિ કરી છે. બેલ્જિયમના વિદેશ મંત્રાલયે કહ્યું છે કે તેઓ તેમના દેશમાં મેહુલ ચોકસીની હાજરીથી વાકેફ છે અને આ સમગ્ર મામલા પર નજર રાખી રહ્યા છે.

જોકે બેલ્જિયમ સરકારે એમ પણ કહ્યું છે કે તેઓ કોઈ પણ અંગત બાબત પર ટિપ્પણી કરતા નથી. ભારતીય અધિકારીઓએ મેહુલ ચોકસીના પ્રત્યર્પણની પ્રક્રિયા શરૂ કરવા માટે તેમના બેલ્જિયમ સમકક્ષ અધિકારીઓનો સંપર્ક કર્યો છે.