സിറ്റിക്ക് കുരുക്ക്

മാൻ. സിറ്റി 1 - ലിപ്സിഗ് 1ഇന്റർ മിലാൻ 1 - പോർട്ടോ

- 

ലീപ്സിങ് (ജർമനി): ചാമ്പ്യൻസ് ലീഗ് ഫു ട്ബോൾ ഒന്നാം പാദ പ്രീക്വാർട്ടർ പോരാട്ടത്തിൽ ഇംഗ്ലീഷ് പ്രീമിയർ ലീഗ് ചാമ്പ്യൻ മാഞ്ചസ്റ്റർ സിറ്റിക്കു സമനില. ജർമൻ ക്ലബ് ആർ.ബി.ലീപ്സിഗിനെതിരേ നടന്ന മത്സരം 1-1 നാണ് അവസാനിച്ചത്.

ലീപ്സിഗിന്റെ തട്ടകമായ റെഡ് ബുൾ അരിനയിൽ നടന്ന മത്സരത്തിന്റെ 27-ാം മിനിറ്റിൽ റിയാസ് മഹ്റസിലൂടെ സിറ്റി മുന്നിലെത്തിയിരുന്നു. 70-ാം മിനിറ്റിൽ ഹോസ്കോ ഗ്വാർഡിയോൾ ഹെഡറിലൂടെ നേടിയ ഗോളിലൂടെ ലീപസിഗ് സമനില പിടിച്ചു. രണ്ടാം പാദ മത്സരം മാർച്ച് 14 നു നടക്കും. എവേ മത്സരത്തിൽ ഗോളടിച്ച ആനുകൂല്യം സിറ്റിക്കുണ്ടാകും. പക്ഷേ ക്വാർട്ടറിൽ കടക്കാൻ അവർക്കു സ്വന്തം ഗ്രൗണ്ടിൽ ജയിക്കണം. 27-ാം മിനിറ്റിൽ ലീപ്സിങ് പ്രതിരോധത്തിന്റെ പിഴവ് മുതലാക്കിയാണു സിറ്റി ഗോളടിച്ചത്.