கேரள முதலமைச்சராக...

தலைமையில் அதிருப்தி எம். எல். ஏ. க்கள் தனியாகக் கூடி ஆலோசனை நடத்தினர்.

- 

அதில், த. வெ. க. அரசுக்கு ஆதரவு அளிப்பது என்றும், பொதுக்குழுவைக் கூட்டுவது என்றும் முடிவெடுக்கப்பட்டது.மேலும், அ.தி.மு.க. சட்டமன்றக் குழுத் தலைவராக எஸ்.பி. வேலுமணியைத் தேர்வு செய்து, தற்காலிக சபாநாயகராக இருந்த கருப்பையாவிடம் கடிதம் அளித்தனர். அதேசமயம், எடப்பாடி பழனிசாமியும் சட்டமன்றக் குழுத் தலைவராக உரிமை கோரி கடிதம் அளித்ததால், அ.தி.மு.க. இரண்டாக உடைந்தது. இதற்கிடையில், சட்டசபையில் த.வெ.க. அரசுக்கு ஆதரவு அளித்த விவகாரம் பெரும் புயலைக் கிளப்பிய நிலையில், அதிரடி நடவடிக்கையாக எஸ்.பி. வேலுமணி, சி.வி. சண்முகம், சி. விஜயபாஸ்கர் உள்ளிட்ட 26 பேரின் மாவட்டச் செயலாளர் பதவிகளைப் பறித்து எடப்பாடி பழனிசாமி உத்தரவிட்டார். ஆனால், “எங்களைக் கட்சியை விட்டு நீக்க எடப்பாடி பழனிசாமிக்கு அதிகாரமில்லை; நாங்கள் தொடர்ந்து கட்சியில்தான் நீடிக்கிறோம்” என நீக்கப்பட்டவர்கள் அறிவித்துள்ளனர்.

இந்த பரபரப்பான சூழலில், சென்னை தலைமைச் செயலகத்தில் சட்டமன்றத் தலைவர் ஜே.சி.டி. பிரபாகரை, இ.பி.எஸ் தரப்பு மற்றும் வேலுமணி தரப்பு எம்.எல்.ஏக்கள் தனித்தனியாக சந்தித்து முறையிட்டனர்.