பா.ம.க. தலைவராக அன்புமணியே நீடிப்பார்!

மாமல்லபுரத்தில் நடந்த பொதுக்குழுவில் பரபரப்பு தீர்மானம்!!

- 

பா.ம.க. தலைவராக அன்புமணியேதொடர்ந்து நீடிப்பார் என மாமல்லபுரத்தில் நடந்த பொதுக்குழுவில் பரபரப்பு தீர்மானம் நிறைவேற்றப்பட்டது. இதன் மூலம் அன்புமணியை பதவி நீக்கம் செய்து டாக்டர் ராமதாஸ் பிறப்பித்த உத்தரவு ரத்து செய்யப்பட்டுள்ளது.

பா.ம.க.வில் அக்கட்சியின் நிறுவனர் டாக்டர் ராமதாசுக்கும், அவரது மகனும், கட்சித் தலைவருமான அன்புமணிக்கும் இடையே மோதல் போக்கு தொடர்ந்துநீடித்து வருகிறது. இதை முடிவுக்கு கொண்டு வர அக்கட்சியின் நிர்வாகிகள் மற்றும் பிற கட்சித் தலைவர்கள் தீவிர முயற்சி மேற்கொண்டனர். இதில் எந்த பலனும் ஏற்படவில்லை.