રવિન્દ્ર જાડેજા અને કે એલ રાહુલ ઈંગ્લેન્ડ સામેની બીજી ટેસ્ટ ગુમાવશે

સરફરાઝ ખાન, સૌરભ કુમાર અને વોશિંગ્ટન સુંદરનો ટીમમાં સમાવેશ કરાયો

- 

ભારતના ઓલરાઉન્ડર રવિન્દ્ર જાડેજા અને બેટ્સમેન કે એલ રાહુલ ઈજાને પગલે ઈંગ્લેન્ડ વિરુદ્ધ બીજી ટેસ્ટ ગુમાવશે. આગામી 2જી ફેબ્રુઆરીથી ઈંગ્લેન્ડ સામે વિશાખાપટ્ટનમમાં બીજી ટેસ્ટનો પ્રારંભ થશે. રવિવારે જાડેજાને પગના સ્નાયુ ખેંચાઈ જતા ઈજા થઈ હતી જ્યારે કે એલ રાહુલે જમણા થાપામાં દુઃખાવાની ફરિયાદ કરી હતી. બીસીસીઆઈએ જણાવ્યા મુજબ જાડેજા અને કે એલ રાહુલ ઈંગ્લેન્ડ સામેની બીજી ટેસ્ટમાં નહીં રમી શકે. બોર્ડની મેડિકલ ટીમ આ બંને ખેલાડીઓની પ્રગતિ પર નજર રાખી રહી છે.