દેશનો જીડીપી ગ્રોથ જુલાઈ-સપ્ટેમ્બર ક્વાર્ટરમાં 7.6%, સૌથી ઝડપી વૃદ્ધિ

જુલાઈ-સપ્ટેમ્બર કવાર્ટરમાં ચીનનો ગ્રોથ 4.9%, અમેરિકાનો 5.9% ગયા વર્ષે આ ક્વાર્ટરમાં જીડીપી ગ્રોથ 6 .2 ટકા રહ્યો હતો, એપ્રિલ-જૂન ક્વાર્ટરમાં 7.8 ટકા હતો

- 

ભારતનો જીડીપી ગ્રોથ જુલાઈ સપ્ટેમ્બર ક્વાર્ટરમાં 7.6 ટકા રહ્યો હતો. આ સાથે ભારતે આ ક્વાર્ટરમાં સૌથી ઝડપી વૃદ્ધિ કરતા અર્થતંત્ર તરીકેનો દરજ્જો જાળવી રાખ્યો હતો. મેન્યુફેક્ચરિંગ, માઈનિંગ અને સર્વિસ સેક્ટરમાં નોંધપાત્ર ગ્રોથને પગલે કુલ ગ્રોથ વધ્યો હતો. નેશનલ સ્ટેટિસ્ટિકલ આ ઓફિસ (NSO)એ ગુરુવારે ડેટા જાહેર કર્યા હતા. ગયા વર્ષે આ ક્વાર્ટરમાં જીડીપી ગ્રોથ 6.2 ટકા રહ્યો હતો. એપ્રિલ-જૂન ક્વાર્ટર માં જીડીપી ગ્રોથ 7.8 ટકા રહ્યો હતો.