ઉનાની સરકારી હોસ્પિટલમાં તબીબોએ એક દિવસમાં 14 સગર્ભાની સફળ ડિલીવરી કરાવી

તબીબોની ટીમે 10 મહિલાની નોર્મલ ડિલીવરી અને 4 મહિલાની સિઝેરિયન કરીને બાળકને જન્મ અપાવ્યો

- 

ઉના ખાતે આવેલી સરકારી હોસ્પિટલનાં તબીબની ટીમે એક જ દિવસેમાં 14 સગર્ભા મહિલાની સફળતાપૂર્વક ડિલિવરી કરાવી પ્રેરણાદાયક ઉત્કૃષ્ટ કામગીરીનું ઉદાહરણ પુરૂ પાડ્યું છે. આ પૈકી 10 મહિલાની નોર્મલ ડિલીવરી અને 4 મહિલાની ઈમરજન્સી અને પાણીની ઘટ હોવાં છતાં જોખમ સાથે સિઝેરીયન કરીને માતા બાળક બન્નેને નવી જિંદગી આપી છે. આ તમામ પરિવારમાં ખુશીનો માહોલ છવાઈ ગયો છે. તમામ કેસમાં માતા અને નવજાત બાળક હેલ્થી છે.