છત્રપતિ શિવાજી મહારાજનો ‘વાઘનખ’ 350 વર્ષ પછી બ્રિટનથી મહારાષ્ટ્ર લવાશે

ગૌરવ: ‘વાઘનખ’ નામના હથિયારથી શિવાજી મહારાજે અફઝલ ખાનનો વધ કર્યો હતો

- 

છત્રપતિ શિવાજી મહારાજના રાજ્યાભિષેકના 350 વર્ષ પૂરાં થઈ રહ્યા છે. આ અવસર નિમિત્તે વર્ષ 1659માં છત્રપતિ શિવાજી મહારાજે જે વાઘનખ(વાઘના પંજા જેવું લોખંડનું હથિયાર)ની મદદથી અફઝલ ખાનનો વધ કર્યો હતો, તેને ત્રણ વર્ષ માટે લંડનના વિક્ટોરિયા મ્યૂઝિયમમાંથી મહારાષ્ટ્ર લાવવામાં આવશે. આ માટે મહારાષ્ટ્રના સંસ્કૃતિ મંત્રી સુધીર મુનઘંટીવાર ત્રણ ઓક્ટોબરે લંડન પહોંચીને વિક્ટોરિયા એન્ડ અલ્બર્ટ મ્યૂઝિયમની સાથે આ સંબંધમાં કરાર કરશે.