વડોદરા-દાહોદ વચ્ચે પ્રવાસીઓને મળી વધુ એક ટ્રેન, રેલ રાજ્યમંત્રીએ કરાવ્યો શુભારંભ

950 મુસાફરની કેપેસિટી સહિત એક મહિલા કોચ સામેલ : બાયો ટોઇલેટ, CCTVથી સજ્જ

- 

વડોદરા-દાહોદ મેમુ ટ્રેનને મંગળવારે સવારે વડોદરા રેલવે સ્ટેશન ખાતેથી રેલવે રાજ્યમંત્રી દર્શના જરદોશે લીલી ઝંડી આપીને પ્રસ્થાન કરાવ્યું હતું. આ ટ્રેનની ખાસ વિશેષતા એ છે કે, આ ટ્રેનમાં સોલાર સિસ્ટમ લગાવવામાં આવી છે. જેથી આ ટ્રેન વીજળી ઉત્પન્ન કરશે, જેથી 30 ટકા જેટલી વીજળીની બચત થશે. ઉપરાંત આ ટ્રેન દરેક નાનાં-નાનાં સ્ટેશનો કવર કરશે. 950 મુસાફરની કેપેસિટી સાથે 1100 જેટલા લોકો ઊભા ઊભા મુસાફરી કરી શકશે. આ સાથે એનાઉન્સમેન્ટ સિસ્ટમ, ડિજિટલ ડિસ્પ્લે, બાયો ટોયલેટ, CCTV સહિતની સેવાઓથી ટ્રેનને સજ્જ કરવામાં આવી છે.