ઓટો સેક્ટર માટેની PLI સ્કીમ વધુ એક વર્ષ વધારીને માર્ચ-2028 સુધી લંબાવાઈ

સરકાર આ સ્કીમ અંતર્ગત ₹25,938 કરોડ આપશે

- 

સરકારે ઓટોમોટિવ સેક્ટર માટેની ₹25,938 કરોડની પ્રોડક્શન લિન્ક્ડ ઈન્સેન્ટિવ (PLI) સ્કીમ વધુ એક વર્ષ માટે વધારી દીધી છે. કેન્દ્રીય ભારે ઉદ્યોગ મંત્રી મહેન્દ્રનાથ પાંડેયે આ જાહેરાત કરી હતી. મતલબ કે વર્ષ 2022–23થી 2026– 27 સુધી પાંચ વર્ષ માટેની આ સ્કીમ હવે 2027-28 સુધી લાગુ રહેશે.

હાલમાં 1 એપ્રિલ, 2022થી પાંચ વર્ષ માટે ભારતમાં ઉત્પાદન થતી એડવાન્સ્ડ ઓટોમોટિવ ટેક્નોલોજી (AAT) પ્રોડક્ટ્સ (વ્હીકલ્સ અને કમ્પોનન્ટ્સ)નાં નિર્ધારીત વેચાણ માટે આ સ્કીમ લાગુ છે. હવે તે એક વર્ષ માટે લંબાવવામાં આવી છે.