விவசாயிகள் நல்ல வருவாய் ஈட்டும் வகையில் பல்வேறு திட்டங்களை செயல்படுத்தி வரும் முதல்வர்

ஈரோடு மாவட்ட பயனாளிகள் நெஞ்சார்ந்த நன்றி

- 

ஈரோடு மாவட்டத்தில் தேசிய வேளாண் வளர்ச்சித் திட்டத்தின்கீழ் நிரந்தர கல் பந்தல் அமைத்தல் இனத்தில் 2022-23 முதல் 2024-25 வரை 22.50 எக்டர் பரப்பில் 59 பயனாளிகளுக்கு மானியம் வழங்கப்பட்டுள்ளது. இத்திட்டத்தில் அதிகபட்சமாக ஒரு பயனாளி 1 எக்டர் வரை பயன்பெறலாம்.

பந்தல் காய்கறிகள், பீன்ஸ், பட்டாணி, திராட்சை, கிவி பழம், தாட்பூட் பழம் போன்ற பல வகையான பயிர்களுக்கு இத்திட்டத்தின் மூலம் 1 எக்டர் நிரந்தர கல் பந்தல் அமைக்க ரூ.6 லட்சம் வரை செலவினம் மேற்கொள்ளும் போது 50 சதவிகிதம் மானியமாக ரூ.3 லட்சம் வரை பின்னேற்பு மானியமாக வழங்கப்படுகிறது. இத்திட்டத்தில் பயன்பெற விவசாயிகள் தங்களது நில ஆவணங்கள் நகல், புகைப்படம், ஆதார் அட்டை நகல், குடும்ப அட்டை நகல் ஆகியவற்றுடன் சம்மந்தப்பட்ட வட்டார தோட்டக்கலை உதவி இயக்குநர் அலுவலகத்தை அணுகி விண்ணப்பித்து பயன்பெறலாம்.

ஈரோடு மாவட்டத்தில் தோட்டக்கலை மற்றும் மலைப்பயிர்கள் துறை சார்பில் செயல்படுத்தப்பட்டு வரும் தேசிய வேளாண் வளர்ச்சி திட்டத்தின் நிரந்தர கல் தூண் பந்தல் சாகுபடி 2024 -25 திட்டத்தில் பயன்பெற்ற விவசாயிகள் தமிழ்நாடு முதலமைச்சருக்கு நிறைந்த மனதோடு நன்றி தெரிவித்தார்கள்.