உங்களுடன் ஸ்டாலின் திட்ட முகாம் விண்ணப்பங்கள் பொதுமக்களுக்கு வழங்குவதை ஆட்சியர் நேரில் ஆய்வு

கன்னியாகுமரி மாவட்ட நாகர்கோவில் மாநகராட்சிக் குட்பட்ட வாத்தியார்விளை, அகஸ்தீஸ்வரம் வட்டம் இரவிபுதூர் ஊராட்சிக் குட்பட்ட பகுதிகளில் உங்களுடன் ஸ்டாலின் திட்டத்திற்கான விண்ணப்பங்கள் மற்றும் மடிப்பேடுகளை தன்னார்வலர்கள் வீடு வீடாக சென்று பொதுமக்களுக்கு வழங்கி அவர்களிடையே விளக்கிக் கூறுவதை மாவட்ட ஆட்சித்தலைவர் அழகுமீனா நேரில் பார்வையிட்டு ஆய்வு மேற்கொண்டு தெரிவிக்கையில், தமிழ்நாடு முதலமைச்சர் பொதுமக்களின் நலன் கருதி, தமிழ்நாட்டிற்குட்பட்ட அனைத்து மாவட்டங்களிலும் உள்ள மாநகராட்சிகள், நகராட்சிகள், பேரூராட்சிகள், ஊராட்சி பகுதிகளில் உள்ள பொதுமக்களின் கோரிக்கைகளுக்கு மிகுந்த முக்கியத்துவம் அளிக்கும் பொருட்டு பல்வேறு திட்டங்களை அறிவித்து மிகச்சிறப்பாக செயல்படுத்தி வருகிறார்கள்.

- 

அதனைத் தொடர்ந்து தமிழ்நாட்டிற்குட்பட்ட அனைத்து தரப்பட்ட பொதுமக்களின் குறைகளைத் தீர்க்க அவர்களின் பகுதிகளில் மாவட்ட ஆட்சித் தலைவர் அறிவுறுத்தலின்படி மாவட்ட அலுவலர்கள், வட்டாட்சியர்கள், வட்டார வளர்ச்சி அலுவலர்கள் உள்ளிட்டவர்கள் நேரில் சென்று முகாம்கள் நடத்தி பொதுமக்களின் கோரிக்கை மனுக்களை பெற உங்களுடன் ஸ்டாலின் என்ற ஆக்கப்பூர்வமான புதிய திட்டத்தினை வரும் 15ம் தேதி தமிழ்நாடு முதலமைச்சர் துவக்கி வைக்கவுள்ளார்கள்.

இத்திட்டத்தின் முக்கிய நோக்கம் கூலித்தொழில், தூய்மை பணியாளர்கள், அமைப்புசாரா பணியாளர்கள், செங்கல் சூளை உள்ளிட்ட தொழில் செய்யும் ஏழை எளிய மக்களின் வசதிக்குகேற்ப அவர்களின் பகுதிகளுக்கு அருகாமையிலேயே தங்கள் குறைகளையும், கோரிக்கைகளையும், தேவைகளையும் மற்றும் நலத்திட்ட உதவிகள் பெறுவதற்கான விண்ணப்பங்கள் பூர்த்தி செய்து வழங்குவதற்கு ஏற்ற வகையில் உங்களுடன் ஸ்டாலின் திட்டம் வழிவகை செய்கிறது.