ராமநாதபுரம் பள்ளியில் உலக சுற்றுச்சூழல் தின விழிப்புணர்வு நிகழ்ச்சி

தமிழ்நாடு சுற்றுச்சூழல் மற்றும் காலநிலை மாற்றம் துறை சார்பாகவும் ராமநாதபுரம் மாவட்டம் தேசிய பசுமைப் படை சார்பாகவும் உலக சுற்றுச்சூழல் தின விழா சிறப்பாக நடைபெற்றது. உலக சுற்றுச்சூழல் தினத்தின் இவ்வாண்டின் மைய கருத்தான பிளாஸ்டிக் மாசுபாட்டை எதிர்த்து போராடுவோம் என்ற தலைப்பில் மாவட்டத்தில் உள்ள அனைத்து பள்ளிகளிலும் விழிப்புணர்வுப் பேரணிகள், மனித சங்கிலி சுற்றுச்சூழல் விழிப்புணர்வு தொடர்பான போட்டிகள் மற்றும் மரக்கன்றுகள் நடுதல் போன்ற நிகழ்வுகள் சிறப்பாக நடைபெற்றது.

- 

ராமநாதபுரம் நகரில் உள்ள முஹம்மது சதக் தஸ்தகீர் மெட்ரிக் மேல்நிலைப் பள்ளியில் நடைபெற்ற விழிப்புணர்வுப் பேரணியை மாவட்டத்தின் சுற்றுச்சூழல் கல்வித் திட்ட ஒருங்கிணைப்பாளர் ஆ. பெர்னாடிட் துவக்கி வைத்தார். இந்நிகழ்விற்கு பள்ளியின் முதல்வர் பரணி ஸ்ரீ வெங்கடேஷ் தலைமை வகித்தார். ஏற்பாடுகளை பள்ளியின் ஒருங்கிணைப்பாசிரியர் சுபத்ரா சிறப்பாக செய்திருந்தார். இந்நிகழ்வில் இராமநாதபுரம் மாவட்டத்தின் உயர்நிலைக் கல்வியின் வழிகாட்டி தமிழ்மாறன் கலந்துகொண்டார். பள்ளி ஆசிரியர்கள் அனைவரும் கலந்துகொண்டனர்.