Geniet die wintervakansie saam met jou kinders

Klerksdorp Midweek, Klerksdorp - Ongelukkig kan almal nie see, na 'n vakansieoord of wildtuin toe gaan nie en is Jan Tuisbly se karretjie hulle voorland.

- 

Hier is 'n paar wenke, saamgestel deur Afrikaans.com oor wat jy kan doen om jou kinders besig te hou en hulle voor die televisie en rekenaars weg te kry. Onthou net, pret is die wagwoord!

Kry hulle aan die beweeg. Oefening is belangrik. Gaan stap of ry saam fiets as gesin. As jou tuin groot genoeg is, speel krieket of sokker in die agterplaas. Nie net raak almal fikser nie, maar dit verrig wondere vir die bloedsomloop en die gemoedstoestand.

Bak en brou. Daar is altyd plek vir koekies in die koskas. Maak koekies bak 'n dag van pret en plesier in die kombuis! Of laat die kinders besluit wat is op die spyskaart en laat hulle help - kinders eet graag hul “eie” kos.