Klein model, groot hart: Miss Universe Teen SA finalis

Die 13-jarige Jade Joy Swartzs, 'n gr. 7-leerder van Laerskool Outeniqua, het Saterdag 27 September die blye nuus ontvang dat sy gekies is as een van 50 finaliste vir Miss Universe Teen South Africa 2026. Dié kompetisie vind in Maart volgende jaar in Polokwane plaas.

- Michelle Pienaar

Jade is tans saam met haar afrigter, die voormalige model Christolene Meas, hard besig met voorbereiding vir hierdie geleentheid.

Jade is een van twee tieners in die Wes-Kaap wat hierdie eer te beurt geval het. Die ander meisie, Lethabo Sekgobela, ook van die Suid-Kaap, is 'n boorling van Oudtshoorn.

Volgens die organiseerder van die kompetisie, Nontombi Gumede, is Jade se nuwe titelskouerband in die pos. Sy kan dus binnekort haar semifinalistitel verruil vir die een van finalis.

Liefde vir mense