Die Kurumanrivier in vloed op Vanzylsrus

Die span moes al op die terrein gewees het om klippe te skuif; pannekoekweer kan alles stop.

- Deur Pieter Pienaar

Nou sit die span kunstenaars en teken om die lang tafel en ons los die hele wêreld se probleme op.Gistermiddag (Sondag), toe kry ek 'n boodskap van Elsa Jones. Die Gemsbok in Upington soek iets oor die Kurumanrivier wat met sy vinnige stygende water Vanzylsrus se hoofstraat in 'n strand verander het en die plaaslike inwoners se planne omgekeer het. Die Gemsbok wil die berig Dinsdagoggend hê. Nou doen ek my bes terwyl Rod Stewart se musiek ons gelukkig hou.

Wat hierdie koms van die rivier so besonders maak is die feit dat dit die watermerk van 1974 alreeds oortref het.

Die koms van die rivier bring hope plesier en die boere is baie bly, maar daar is natuurlik ook skade. Drade en krippe in die rivierloop word beskadig en meegesleur soos die boomtakke dit momentum gee.

Toe ek gistermiddag, doelbewus gewapen met my kamera, die rivier wou gaan afneem om foto's vir hierdie berig te neem, het ek ook net weer opnuut besef dat die natuur nie ons speelmaat is nie. Ek het so na as moontlik aan die water probeer kom om daardie wenskote te kon neem.