போலந்து வானில் ரஷிய ட்ரோன்கள் இடைமறிப்பு

உக்ரைன் போரில் புதிய பதற்றமாக, நேட்டோ உறுப்பு நாடான போலந்து வான் எல்லைக்குள் அத்துமீறி புகுந்த ரஷிய ட்ரோன்கள் இடைமறித்து அழிக்கப்பட்டன.

- 

வார்சா, செப். 10:

இது குறித்து போலந்து பிரதமர் டொனால்ட் டஸ்க் கூறியதாவது: போலந்து வான் எல்லைக்குள் பெரும் எண்ணிக்கையிலான ரஷிய ட்ரோன்கள் செவ்வாய்க்கிழமை இரவு அத்துமீறி நுழைந்தன.

தேசப் பாதுகாப்புக்கு நேரடி அச்சுறுத்தலை ஏற்படுத்திய அவற்றில் நான்கு ட்ரோன்கள் போலந்து, நேட்டோ விமானங்களால் சுட்டு வீழ்த்தப்பட்டன. இரண்டாம் உலகப் போருக்குப் பிறகு போலந்து மிக நெருக்கமாக போரை எதிர்கொள்வது இதுவே முதல்முறை என்றார் அவர்.

2022-இல் உக்ரைன் மீது ரஷியா முழு அளவிலான படையெடுப்பை நிகழ்த்திய பிறகு, அந்த நாட்டின் ட்ரோன்கள் ஒரு நேட்டோ உறுப்பு நாட்டுக்குள் தற்போதுதான் முதல் முறையாக சுட்டுவீழ்த்தப்பட்டது.