விதிகளுக்குப் புறம்பாக செயல்பட்ட 17 மக்கள் மருந்தகங்கள் மீது நடவடிக்கை

தமிழகத்தில் விதிகளுக்குப் புறம்பாக செயல்பட்டதாக 17 மக்கள் மருந்தகங்கள் மீது நடவடிக்கை எடுக்க மாநிலமருந்துக்கட்டுப்பாட்டு இயக்குநரகம் முனைப்பு காட்டி வருகிறது.

- 

சென்னை, மார்ச் 11: அதில் 8 மருந்தகங்களுக்கு விளக்கம் கேட்டு நோட்டீஸ் அனுப்பியுள்ளதாகவும், 9 மருந்தகங்களின் ஆவணங்களை ஆய்வு செய்து வருவதாகவும் தெரிவிக்கப்பட்டுள்ளது.

இதேபோன்று அண்மையில் தொடங்கப்பட்ட முதல்வர் மருந்தகங்களிலும் விரைவில் தரக் கட்டுப்பாட்டு சோதனைகள் நடத்தப்படும் எனக் கூறப்பட்டுள்ளது.

மக்கள் மருந்தகங்கள்: தமிழகத்தில் 40,000-க்கும் மேற்பட்ட மருந்தகங்கள் உள்ளன. அதேபோன்று நூற்றுக்கணக்கான மருந்து உற்பத்தி நிறுவனங்கள் செயல்பட்டு வருகின்றன. அவற்றின் செயல்பாடுகளையும், வர்த்தக நடவடிக்கைகளையும் மாநில மருந்துக் கட்டுப்பாட்டு இயக்குநரகம் கண்காணித்து, விதிமீறல்கள் இருந்தால் நடவடிக்கை எடுத்து வருகிறது.