இந்தியாவுடனான வர்த்தக ஒப்பந்தம் வெகு தொலைவில் இல்லை

அமெரிக்க தூதராகப் பதவியேற்கவுள்ள செர்ஜியோ கோர்

- 

வாஷிங்டன், செப்.11: "இந்தியாவுடன் வர்த்தக ஒப்பந்தத்தை இறுதி செய்யும் நாள் வெகு தொலைவில் இல்லை" என இந்தியாவுக்கான அமெரிக்க தூதராக பொறுப்பேற்கவுள்ள செர்ஜியோ கோர் வியாழக்கிழமை தெரிவித்தார்.

இந்தியாவுக்கான அமெரிக்க தூதராக அவர் நியமிக்கப்படுவதை உறுதிப்படுத்துவதற்கான கூட்டத்தின்போது செனட் (அமெரிக்க நாடாளுமன்ற மேல்சபை) வெளியுறவு விவகாரங்கள் நிலைக் குழுவிடம் அவர் இவ்வாறு தெரிவித்தார்.

அப்போது அவர் மேலும் பேசியதாவது: புவியியல் அமைப்பு, பொருளாதார வளர்ச்சி மற்றும் ராணுவ திறன்கள் என பிராந்திய நிலைத்தன்மையில் முக்கியத்துவம் வகிக்கும் நாடாக இந்தியா திகழ்கிறது. எனவே, அமெரிக்க அதிபர் டிரம்ப் தலைமையில் இந்தியாவுடனான உறவை வலுப்படுத்த கடமைப்பட்டுள்ளேன்.

அந்த வகையில், இந்தியா மற்றும் அமெரிக்க வர்த்தக அமைச்சர்கள் அடுத்த வாரத்தில் நேரில் சந்திக்க அதிபர் டிரம்ப் அழைப்பு விடுத்துள்ளார். அவர்கள் இருவரும் அமெரிக்க வர்த்தக பிரதிநிதி ஜேமி சன் கிரீரை வாஷிங்டனில் சந்திக்கவுள்ளனர்.