அமெரிக்கா: டிரம்ப் ஆதரவாளர் சுட்டுக் கொலை

அமெரிக்காவில் வலதுசாரி ஆர்வலரும், அதிபர் டொனால்ட் டிரம்ப்பின் தீவிர ஆதரவாளருமான சார்லி கிர்க் (31) சுட்டுக் கொல்லப்பட்டார்.

- 

வாஷிங்டன், செப். 11:

அந்த நாட்டின் யூட்டா மாகாணம், ஓரெம் நகரிலுள்ள யூட்டா பள்ளத்தாக்கு பல்கலைக்கழகத்தில் புதன்கிழமை நடைபெற்ற நிகழ்ச்சியில் உரையாற்றிக்கொண்டிருந்தபோது அந்தப் பகுதியிலிருந்த கட்டடத்தின் கூரையிலிருந்து மர்ம நபர் துப்பாக்கியால் சுட்டு இந்தப் படுகொலையை நிகழ்த்தினார்.

இதுகுறித்து அதிகாரிகள் கூறியதாவது: ஒரே ஒரு குண்டு மூலம் துல்லியமாகக் குறிவைக்கப்பட்டு கிர்க் படுகொலை செய்யப்பட்டதாகவும், தாக்குதல் நடத்திய நபர் சம்பவ இடத்தில் நிலவிய கூச்சல் குழப்பத்தைப் பயன்படுத்தி அங்கிருந்து தப்பியோடிவிட்டதாகவும் தெரிவித்தனர்.