விபத்துகளில் உயிரிழப்பைத் தடுக்க 150 தன்னார்வலர்களுக்கு முதலுதவிப் பயிற்சி

தமிழகத்தில் அதிக சாலை விபத்துகள் நடைபெறும் இடங்கள் கண்டறியப்பட்டு, அங்கு விபத்து நிகழும்போது உயிரிழப்பைத் தடுக்கும் வகையில், தன்னார்வலர்களுக்கு முதலுதவி அளிப்பது குறித்து பயிற்சி அளிக்க தமிழக சுகாதாரத் திட்டம் மற்றும் 108 ஆம்புலன்ஸ் நிறுவனம் சார்பில் நடவடிக்கை எடுக்கப்பட்டுள்ளது.

- 

தமிழகம் முழுவதும் முதற்கட்டமாக 100 இடங்களில் அதிக விபத்துகள் நிகழும் இடம் கண்டறியப்பட்டு, அவற்றில் 50 இடங்களில் பயிற்சி அளிக்க முடிவு செய்யப்பட்டது. அதன்படி, வேலூர் மாவட்டத்தில் கிரீன் சர்க்கிளில் இருந்து கொணவட்டம் வரை தேசிய நெடுஞ்சாலையில் அதிக விபத்துகள் நிகழும் இடமாக கண்டறியப்பட்டுள்ளது. இந்தப் பகுதியில் விபத்து நிகழும்போது, ஆம்புலன்ஸ் வரும் முன்பு அந்தப் பகுதியைச் சேர்ந்த கல்லூரி மாணவர்கள், இளைஞர்கள், பள்ளி மாணவர்கள், அரசு போக்குவரத்து பணிமனை ஊழியர்கள் போன்ற தன்னார்வலர்கள் உடனடியாக காயமடைந்தவர