பிஇ கட்-ஆஃப் அதிகரிக்கும்: கல்வியாளர்கள் தகவல்

நிகழாண்டு பொறியியல் படிப்புகளுக்கான கட் ஆஃப் மதிப்பெண் அதிகரிக்கும் என கல்வியாளர்கள் தெரிவித்தனர்.

- 

சென்னை, ஜூன் 28:

தமிழகத்தில் அண்ணா பல்கலைக்கழகத்தின்கீழ் 440-க்கும் மேற்பட்ட பொறியியல் கல்லூரிகள் செயல்பட்டு வருகின்றன. நிகழாண்டு பொறியியல் சேர்க்கைக்கு 3 லட்சத்து 2,374 பேர் இணையவழியில் விண்ணப்பித்த நிலையில், 2 லட்சத்து 41,641 மாணவர்களின் விண்ணப்பங்கள் ஏற்கப்பட்டு கடந்த வெள்ளிக்கிழமை தரவரிசைப் பட்டியல் வெளியிடப்பட்டது.

பொறியியல் தரவரிசைப் பட்டியலில் முழு மதிப்பெண் மற்றும் 195-க்கும் மேற்பட்ட மதிப்பெண் பெற்ற மாணவர்களின் எண்ணிக்கை அதிகரித்துள்ளதால், நிகழாண்டு பொறியியல் படிப்புகளுக்கான கட் ஆஃப் மதிப்பெண் அதிகரிக்கும் என கல்வியாளர்கள் தெரிவித்துள்ளனர்.