ரயில்வே கடவுப்பாதை ஆய்வு அறிக்கை: 2 வாரத்தில் சமர்ப்பிக்க உத்தரவு

ரயில்வே கடவுப் பாதைகளின் விதிமுறை கள் கடைப்பிடிக்கப்படுவதை உறுதிப்படுத்துவதுடன், தற்போதைய நிலை அந்தப் பகுதிகளில் கண்காணிப்புக் கேமராக்கள் அமைத்தல், சுரங்கப்பாதை, மேம்பாலம் அமைத்தல் போன்றவை குறித்து 15 நாள்களுக்குள் அறிக்கை தாக்கல் செய்ய தெற்கு ரயில்வே உயரதிகாரிகள் அந்தந்த கோட்ட அதிகாரிகளுக்கு அறிவுறுத்தியுள்ளனர்.

- 

சென்னை, ஜூலை 11:

கடலூர் மாவட்டம் செம்மங்குப்பம் ரயில்வே கடவுப் பாதையில் பள்ளி வாகனம் மீது ரயில் மோதி விபத்தில் 3 மாணவர்கள் இறந்த சம்பவத்தைத் தொடர்ந்து, ரயில்வே கடவுப் பாதைகளில் கடைப்பிடிக்கவேண்டிய புதிய விதிமுறைகள் குறித்து மத்திய ரயில்வே அமைச்சர் அஸ்வினி வைஷ்ணவ் அறிவுறுத்தியுள்ளார்.