இந்தியர்கள் மீட்பு: வான்வெளி கட்டுப்பாடுகளுக்கு தளர்வு

ஈரான் சிறப்பு நடவடிக்கை

- 

புது தில்லி, ஜூன் 20: ஈரானில் சிக்கியுள்ள இந்தியர்கள் 1,000 பேரை பாதுகாப்பாக மீட்க வான்வெளி கட்டுப்பாடுகளை ஈரான் தளர்த்தியுள்ளது.

மூன்று விமானங்கள் மூலம் ஈரானில் உள்ள மஷாத் நகரில் இருந்து 1,000 இந்தியர்களைப் பாதுகாப்பாக மீட்க இந்த சிறப்பு நடவடிக்கையை ஈரான் மேற்கொண்டுள்ளது. மஷாத் நகரிலிருந்து இந்தியர்களுடன் புறப்பட்ட முதல் விமானம் வெள்ளிக்கிழமை நள்ளிரவு தில்லிக்கு வந்திறங்கியது.

ஈரான்-இஸ்ரேல் இடையே ஒரு வாரத்துக்கும் மேலாக கடுமையான மோதல் நடைபெற்று வருகிறது. இரு நாடுகளும் ஏவுகணைகள், ட்ரோன்கள் என வான்வழித் தாக்குதலில் ஈடுபட்டு வருகின்றன. இதனால் இஸ்ரேலின் தாக்குதலை தடுக்கும் விதமாக வான்வெளியில் பல கட்டுப்பாடுகளை ஈரான் விதித்துள்ளது.