அருணாசல், அஸ்ஸாமில் கனமழையால் நிலச்சரிவுகள்: 14 பேர் உயிரிழப்பு

அருணாசல பிரதேசம், அஸ்ஸாம் ஆகிய வடகிழக்கு மாநிலங்களில் கனமழையால் ஏற்பட்ட நிலச்சரிவுகளில் சிக்கி 14 பேர் உயிரிழந்தனர்.

- 

இடாநகர்/குவாஹாட்டி, மே 31:

தென்மேற்குப் பருவமழையின் தாக்கத்தால், அஸ்ஸாம், அருணாசல பிரதேசம், மேகாலயம், மணிப்பூர் உள்ளிட்ட வடகிழக்கு மாநிலங்களில் பரவலாக கனமழை பெய்து வருகிறது.

அருணாசல பிரதேசத்தில் தொடர் கனமழையால் பல்வேறு மாவட்டங்களில் திடீர் வெள்ளப்பெருக்கு, நிலச்சரிவுகள் ஏற்பட்டுள்ளன. கிழக்கு கமேங் மாவட்டத்தில் தேசிய நெடுஞ்சாலை 13-இல் வெள்ளிக்கிழமை ஏற்பட்ட நிலச்சரிவில் ஒரு வாகனம் சிக்கியது. இதில் இரு குடும்பங்களைச் சேர்ந்த 7 பேர் உயிரிழந்தனர்.