பாதுகாப்புத் தளவாட உற்பத்தி மையமாக ஆந்திரம்

ராஜ்நாத் சிங்கின் ஆதரவைக் கோரும் சந்திரபாபு நாயுடு

- 

அமராவதி/புதுதில்லி, மே 25: விமானப் படை மற்றும் பாதுகாப்புத் துறை தளவாட உற்பத்தி மையமாக ஆந்திரத்தை மேம்படுத்த ஆதரவு வழங்குமாறு மத்திய பாதுகாப்புத் துறை அமைச்சர் ராஜ்நாத் சிங்கிடம் ஆந்திர முதல்வர் சந்திரபாபு நாயுடு கோரியுள்ளார்.

சந்திரபாபு நாயுடு நீதி ஆயோக் நிர்வாகக் குழுக் கூட்டத்தில் பங்கேற்பதற்காக சில தினங்களுக்கு முன்பு புது தில்லிக்கு வந்தார். இந்தப் பயணத்தின்போது அவர் பாதுகாப்புத் துறை அமைச்சர் ராஜ்நாத் சிங்கை சந்தித்துப் பேசினார். அப்போது விமானப் படை மற்றும் பாதுகாப்புத் துறை தளவாட உற்பத்தி மையமாக ஆந்திரத்தை மேம்படுத்த ஆதரவு வழங்குமாறு ராஜ்நாத் சிங்கிடம் சந்திரபாபு நாயுடு கோரிக்கை விடுத்தார்.