சுதந்திர தின நிகழ்ச்சியில் பங்கேற்காத ராகுல், கார்கே

நாட்டை இழிவுபடுத்தியதாக பாஜக சாடல்

- 

புது தில்லி, ஆக.15: தில்லி செங்கோட்டையில் நடைபெற்ற சுதந்திர தின நிகழ்ச்சியில் காங்கிரஸ் தலைவர் மல்லிகார்ஜுன கார்கே, மக்களவை எதிர்க்கட்சித் தலைவர் ராகுல் காந்தி ஆகியோர் பங்கேற்காமல் நாட்டை இழிவுபடுத்தியதாக பாஜக சாடியது.

இதுதொடர்பாக பாஜக தேசிய செய்தித்தொடர்பாளர் ஷேசாத் பூனாவாலா கூறியதாவது: சுதந்திர தின நிகழ்ச்சி என்பது யாரோ ஒருவரின் பிறந்தநாள் கொண்டாட்டமோ அல்லது கட்சி நிகழ்ச்சியோ அல்ல. செங்கோட்டையில் நடைபெற்ற சுதந்திர தின நிகழ்ச்சியில் பங்கேற்காததன் மூலம், கார்கேயும் ராகுலும் நாட்டையே புறக்கணித்துள்ளனர்.