100% கல்வி வளர்ச்சியே அரசின் இலக்கு

மாபெரும் தமிழ்க்கனவு நிகழ்ச்சியில் தகவல்

- 

திருநெல்வேலி, ஆக. 14: தமிழகத்தில் 100 சதவீத கல்வி வளர்ச்சியே அரசின் இலக்கு என்றார் மாநில திட்டக்குழு துணைத் தலைவர் ஜெ.ஜெயரஞ்சன்.

பாளையங்கோட்டை சாராள் தக்கர் கலை அறிவியல் கல்லூரியில் வியாழக்கிழமை நடைபெற்ற மாபெரும் தமிழ்க் கனவு நிகழ்ச்சியில், அவர் பங்கேற்றுப் பேசியதாவது:

தமிழகத்தில் பள்ளி மாணவர்கள் கல்வி கற்பதில் உணவு தடையாக இருக்கக்கூடாது என்பதற்காக மதிய உணவு திட்டம் தமிழக அரசால் கொண்டு வரப்பட்டது.

இப்போது, காலை உணவுத் திட்டத்தை முதல்வர் மு.க.ஸ்டாலின் கொண்டு வந்துள்ளதோடு, மதிய உணவில் சத்து மிகுந்த ஊட்டச்சத்து உணவுகளும் மாணவர்களுக்கு வழங்கப்பட்டு வருகிறது. 5 வயதுக்கு மேற்பட்ட குழந்தைகள் 100 சதவீதம் ஆரம்பக்கல்வி பயின்று வருகின்றனர்.