அரசு மருத்துவ சேவையை நாடுவோர் 20 சதவீதம் அதிகரிப்பு: பொது சுகாதாரத் துறை

மக்களைத் தேடி மருத்துவம் திட்டத்தின் மூலம் அரசு மருத்துவ சேவைகளைப் பயன்படுத்துவோர் எண்ணிக்கை 20 சதவீதம் உயர்ந்திருப்பதாக பொது சுகாதாரத் துறை தெரிவித்துள்ளது.

- 

சென்னை, மே 19:

தமிழகத்தில் சர்க்கரை நோய், உயர் ரத்த அழுத்தம் உள்ளிட்ட தொற்றா நோய்களால் பாதிக்கப்பட்டவர்களை அவர்களின் வீடுகளுக்கே சென்று பரிசோதித்து சிகிச்சை வழங்கும் திட்டம் செயல்படுத்தப்பட்டு வருகிறது. அந்த வகையில், இதுவரை 1.18 கோடி உயர் ரத்த அழுத்த நோயாளிகள், 55.43 லட்சம் சர்க்கரை நோயாளிகள், இரண்டு பாதிப்புகளும் உள்ள 50.95 லட்சம் நோயாளிகள் உள்பட மொத்தம் 2.31 கோடி இணை நோயாளிகள் கண்டறியப்பட்டுள்ளனர்.