'எண்ம இந்தியா' முன்னெடுப்பால் நாட்டுக்கு புதிய அடையாளம்!

'எண்ம இந்தியா' (டிஜிட்டல் இந்தியா) முன்னெடுப்பால், உலக அரங்கில் நமது நாட்டுக்கு புதிய அடையாளம் கிடைத்துள்ளது என்று பிரதமர் நரேந்திர மோடி பெருமிதத்துடன் குறிப்பிட்டார்.

- 

மத்திய அரசின் லட்சிய திட்டங்களில் ஒன்றான 'எண்ம இந்தியா', கடந்த 2015, ஜூலை 1-ஆம் தேதி தொடங்கப்பட்டது. அரசின் சேவைகளை எண்ம அடிப்படையில் வழங்குவதுடன், கிராமங்களை அகண்ட அலைவரிசை கட்டமைப்புடன் இணைப்பதையும் நோக்கமாகக் கொண்ட இந்த முன்னெடுப்பு தொடங்கப்பட்டு 11 ஆண்டுகள் நிறைவு பெற்றதையொட்டி, பிரதமர் மோடி எக்ஸ் தளத்தில் புதன்கிழமை வெளியிட்ட பதிவில் கூறியிருப்பதாவது:

எண்ம இந்தியா முன்னெடுப்பு தொடங்கப்பட்டு 11 ஆண்டுகள் நிறைவடைந்துள்ளன. இது, நிர்வாகத்தை மறுவரையறை செய்து, குடிமக்களுக்கு அதிகாரமளித்து, வாழ்வின் ஒவ்வொரு நிலையிலும் முன்னேற்றத்தை உறுதி செய்யும் வகையில், அனைத்துத் துறைகளிலும் வளர்ச்சியை வேகப்படுத்தியுள்ளது.