இதுவரை 639 ஈரானியர்கள் உயிரிழப்பு

ஈரான் தலைமை மத குரு அயதுல்லா கமேனி உயிருடன் இருப்பதை இனியும் அனுமதிக்க முடியாது என்று இஸ்ரேல் பாதுகாப்புத் துறை அமைச்சர் இஸ்ரேல் காட்ஸ் வியாழக்கிழமை கூறினார்.

- 

டெல் அவிவ், ஜூன் 19: ஈரான் வீசிய ஏவுகணை தெற்கு இஸ்ரேலில் உள்ள சொரோகா மருத்துவமனையைத் தாக்கி பெரும் சேதத்தை ஏற்படுத்தியதைத் தொடர்ந்து அவர் இவ்வாறு கூறினார்.

இது குறித்து டெல் அவிவ் நகருக்கு அருகே செய்தியாளர்களிடையே இஸ்ரேல் காட்ஸ் பேசியதாவது: இஸ்ரேல் முழுமையாக அழிக்கப்பட வேண்டும் என்று அயதுல்லா கமேனி வெளிப்படையாக அறைகூவல் விடுக்கிறார். மேலும், இஸ்ரேல் மருத்துவமனைகளைத் தாக்குமாறு அவர் நேரடியாக உத்தரவு பிறப்பிக்கிறார்.

இஸ்ரேலை இல்லாமல் ஆக்குவதை அவர் தனது குறிக்கோளாகக் கொண்டுள்ளார். அவரைப் போன்ற நபர்கள் இந்த உலகில் இனியும் உயிருடன் இருப்பதை அனுமதிக்க முடியாது என்றார் காட்ஸ்.

யாருக்கும் விதிவிலக்கு இல்லை: இஸ்ரேலின் தாக்குதலுக்கு அயதுல்லா கமேனி உள்ளாக்கப்படலாம் என்று அந்த நாட்டு பிரதமர் பெஞ்சமின் நெதன்யாகுவும் மறைமுகமாகக் கூறினார்.