மகளிர் முத்தரப்பு ஒருநாள்: இந்தியா சாம்பியன்

மகளிர் முத்தரப்பு ஒருநாள் கிரிக்கெட் போட்டியில் இலங்கையை 97 ரன்கள் வித்தியாசத்தில் வீழ்த்தி அபார வெற்றியுடன் சாம்பியன் பட்டத்தை கைப்பற்றியது இந்தியா.

- 

கொழும்பு, மே 11: மகளிர் முத்தரப்பு ஒருநாள் கிரிக்கெட் போட்டியில் இலங்கையை 97 ரன்கள் வித்தியாசத்தில் வீழ்த்தி அபார வெற்றியுடன் சாம்பியன் பட்டத்தை கைப்பற்றியது இந்தியா.

இந்தியா, இலங்கை, தென்னாப்பிரிக்க மகளிர் கிரிக்கெட் அணிகள் பங்கேற்ற முத்தரப்பு ஒருநாள் போட்டி இலங்கையில் நடைபெற்றது. நிகழாண்டு இறுதியில் இந்தியாவில் நடைபெறவுள்ள மகளிர் ஒருநாள் உலகக் கோப்பை போட்டிக்கு தயாராகும் வகையில் முத்தரப்பு தொடர் நடைபெற்றது.

தென்னாப்பிரிக்க அணி வெளியேறிய நிலையில், ஞாயிற்றுக்கிழமை கொழும்புவில் இறுதி ஆட்டம் இந்தியா-இலங்கை இடையே நடைபெற்றது. டாஸ் வென்ற இந்திய அணி பேட்டிங்கை தேர்வு செய்ய தொடக்க பேட்டர்களாக பிரதிகா ராவல், துணை கேப்டன் ஸ்மிருதி மந்தனா களமிறங்கினர்.