தமிழகத்தில் 10 மாதங்களில் 40 சிறு விளையாட்டு அரங்குகள்

துணை முதல்வர் உதயநிதி ஸ்டாலின் உறுதி

- 

சென்னை, மே 5: தமிழ்நாட்டில் 10 மாதங்களில் 40 சிறு விளையாட்டு அரங்குகளை அமைப்போம் என்று துணை முதல்வர் உதயநிதி ஸ்டாலின் தெரிவித்தார்.

சென்னையில் திங்கள்கிழமை நடைபெற்ற நிகழ்ச்சியில், சிறந்த விளையாட்டு வீரர்களுக்கு பதக்கம், பரிசுகளை அவர் வழங்கினார். அத்துடன், மதுரை மாவட்ட விளையாட்டு வளாகம், கேலோ இந்தியா திட்டத்தின் கீழ், தஞ்சாவூர் மாவட்டத்தில் செயற்கை இழை ஓடுபாதையுடன் கூடிய கால்பந்து மைதான தளம், திருநெல்வேலி மாவட்டத்தில் ஹாக்கி மைதானம் ஆகியவற்றைத் திறந்து வைத்தார்.

மேலும், கன்னியாகுமரி மாவட்டத்தில் தமிழர் பாரம்பரிய தற்காப்பு கலைப்பயிற்சி ஆராய்ச்சி மையம், 18 சட்டப்பேரவைத் தொகுதிகளில் முதலமைச்சர் சிறு விளையாட்டு அரங்குகள் ஆகியவற்றுக்கு அடிக்கல் நாட்டினார்.