காஸா மக்களை குடியமர்த்த தெற்கு சூடானுடன் இஸ்ரேல் ஆலோசனை

போரால் பாதிக்கப்பட்ட காஸா பகுதி மக்களை வடகிழக்கு ஆப்பிரிக்க நாடான தெற்கு சூடானில் மறுகுடியமர்த்துவது தொடர்பாக அந்த நாட்டுடன் பிரதமர் நெதன்யாகு இஸ்ரேல் அரசு பேச்சுவார்த்தை நடத்துவதாக தகவல்கள் வெளியாகியுள்ளன.

- 

நைரோபி, ஆக. 16:

இது குறித்து இஸ்ரேலின் மூத்த அதிகாரிகளை மேற்கோள் காட்டி ராய்ட்டர்ஸ் செய்தி நிறுவனம் தெரிவித்ததாவது:

காஸாவில் வசிக்கும் பாலஸ்தீனர்களை அங்கிருந்து வெளியேற்றி தெற்கு சூடானில் குடியேற்றுவது தொடர்பாக அந்த நாட்டு அரசு மற்றும் இஸ்ரேலுக்கு இடையே பேச்சுவார்த்தை தொடர்ந்து நடைபெற்று வருகிறது.

எனினும், இது தொடர்பாக இன்னும் எந்த உடன்பாடும் எட்டப்படவில்லை.

தெற்கு சூடான் வெளியுறவுத்துறை அமைச்சர் மண்டே செமயா கும்பா கடந்த மாதம் இஸ்ரேலுக்கு வந்திருந்தார். அப்போது இந்த மறுகுடியமர்த்தல் திட்டம் குறித்து முதல்முறையாக பேசப்பட்டது.