ஆட்சியில் தொடர எத்தகைய சீர்கேட்டிலும் பாஜக ஈடுபடும்: கார்கே கடும் விமர்சனம்

ஆட்சியில் தொடர்வதற்காக, பாஜக எத்தகைய சீர்கேட்டிலும் ஈடுபடும் என்று காங்கிரஸ் தலைவர் மல்லிகார்ஜுன கார்கே கடுமையாக விமர்சித்தார்.

- 

புது தில்லி, ஆக. 15:

நாட்டின் 79-ஆவது சுதந்திர தினத்தையொட்டி, தில்லியில் உள்ள காங்கிரஸ் தலைமை அலுவலகத்தில் தேசியக் கொடி ஏற்றி மரியாதை செலுத்திய கார்கே, பின்னர் பேசியதாவது:

பிகாரில் வாக்காளர் பட்டியல் சிறப்பு தீவிர திருத்தம் என்ற பெயரில் எதிர்க்கட்சிகளுக்கு கிடைக்க வேண்டிய வாக்குகள் பகிரங்கமாக நீக்கப்படுகின்றன. மரணமடைந்துவிட்டதாக கூறி, வாக்காளர் பட்டியலில் இருந்து நீக்கப்பட்டவர்கள் உயிரோடு இருப்பது தெரியவந்துள்ளது.